Uncategorized

ரணில் இலங்கை வரலாற்றில் இடம் பிடிக்க வேண்டுமானால் இதுவே வழி!


புதிய அரசமைப்பினூடாக தேசிய இனப்பிரச்சினைக்கு நிரந்தர அரசியல் தீர்வு கிடைக்க வேண்டும் என்பதே எமது நிலைப்பாடு என தமிழ்த் தேசியக் கூட்டமைப்பின் தலைவர் இரா. சம்பந்தன் தெரிவித்துள்ளார்.

மேலும் சிறிலங்கா அதிபர் ரணில் விக்ரமசிங்கவும் அதே நிலைப்பாட்டில் இருப்பதை தாம் வரவேற்பதாகவும், இந்த விடயம் தொடர்பில் அதிபர் வழங்கிய வாக்குறுதியை செயற்படுத்தும் பணியில் இறங்கினால் தாம் முழுமையான ஆதரவை வழங்குவோம் எனவும் தெரிவித்துள்ளார்.

இவ்வாறான நிலையில், ஒரு வருடத்துக்குள் இந்தப் பணிகள் முற்றுப்பெற வேண்டும் என்பதே எனது நோக்கம்’ என்று அதிபர் ரணில் விக்ரமசிங்க அண்மையில் தெரிவித்திருந்தார்.

சந்தர்ப்பத்தை தவற விடக் கூடாது

ரணில் இலங்கை வரலாற்றில் இடம் பிடிக்க வேண்டுமானால் இதுவே வழி! | Constitution Sri Lanka Political Solution Tamil Sl

அதேவேளை, ‘தமிழர்களின் பிரச்சினைகளுக்குத் தீர்வு காண்பதற்குக் கிடைத்த இந்த அரிய சந்தர்ப்பத்தைத் தமிழ்த் தேசியக் கூட்டமைப்பினர் உள்ளிட்ட தமிழ்க் கட்சிகளின் பிரதிநிதிகள் தவறவிடக்கூடாது.


அவர்கள் கட்சி, பேதமின்றி மக்களின் நலனைக் கருத்தில்கொண்டு அதிபருடன் இணைந்து செயற்பட வேண்டும்’ என்று பிரதமர் தினேஷ் குணவர்த்தன வலியுறுத்தியிருந்தார்.

அதனடிப்படையில், அவர்களின் கருத்துக்கள் தொடர்பில் தமிழ்த் தேசியக் கூட்டமைப்பின் தலைவர் இரா. சம்பந்தனிடம் ஊடகவியலாளர்கள் வினவியபோதே அவர் மேற்கண்டவாறு தெரிவித்துள்ளார்.

இது தொடர்பில் தொடர்ந்தும் கருத்துத் தெரிவித்த அவர், 

“தேசிய இனப்பிரச்சினைக்கான அரசியல் தீர்வு புதிய அரசமைப்பு மூலம் கிடைக்கும். புதிய அரசமைப்பை உருவாக்கவும், தேசிய இனப்பிரச்சினைக்கான தீர்வைக் காணவும் அதிபர் ரணில் விக்ரமசிங்க தலைமையிலான அரசுடன் இணைந்து பயணிக்கத் தமிழ்த் தேசியக் கூட்டமைப்பு எந்நேரமும் தயாராகவே உள்ளது.

உடனடி பணியில் இறங்க வேண்டும்

ரணில் இலங்கை வரலாற்றில் இடம் பிடிக்க வேண்டுமானால் இதுவே வழி! | Constitution Sri Lanka Political Solution Tamil Sl


ஆனால், இந்த விடயங்கள் தொடர்பில் அதிபர் வழங்கிய வாக்குறுதிகளை உடனடியாகச் செயற்படுத்தும் பணியில் இறங்க வேண்டும். அப்போது தான் எமக்கும் அதில் பூரண நம்பிக்கை ஏற்பட்டு முழு ஆதரவை வழங்க முடியும்.


காலத்தை இழுத்தடிக்காமல் ஒரு வருடத்துக்குள் தமிழர்களுக்கு நிலையான தீர்வை அதிபர் ரணில் விக்ரமசிங்க வழங்கினால் அவர் இலங்கை வரலாற்றில் தனித்துவமான இடத்தைப் பிடிப்பார்” எனவும் தெரிவித்துள்ளார்.



Source link

Leave a Reply

Your email address will not be published. Required fields are marked *